O Goberno municipal inicia a instalación do forxado da primeira planta da Bancada de Gol
A construción da nova Bancada de Gol sumou hoxe un novo fito coa instalación do primeiro forxado do chan da primeira planta na zona próxima a Río, que se realiza en paralelo á instalación de pilotes na área próxima a Tribuna, segundo remarcou o alcalde.
Abel Caballero remarcou que as obras do estadio de Balaídos están a “avanzar de forma visible”. Destacou que a finais deste ano a obra estará finalizada para entrar en uso a principios de 2027.
“Adiante coa bancada de gol con 7.000 espectadores de aforo e un estadio xa nese momento con capacidade para 31.000 persoas” destacou Abel Caballero.
