Vigo contará cun novo macroparque infantil
Abel Caballero explicou esta mañá a aprobación en Xunta de Goberno da reforma da praza Fernando Elorrieta Rey por un importe de 762.925,68 euros.
“Imos construír un novo macroparque infantil na cidade”, iniciou o seu relato o rexedor para anunciar a aprobación en Xunta de Goberno da reforma da praza Fernando Elorrieta Rey, situado entre a Avenida Emilio Martínez Garrido, a rúa Palencia, a rúa da Portela e a rúa de Jesús Fernández. A actuación, nunha superficie de 1.029,75 m2, conta cun importe de 762.925,68€.
A reforma da praza Fernando Elorrieta Rey, consiste na creación dun espazo público urbano que combine o ocio infantil, coa instalación dun novo parque, cunha zona de lecer na que se crearán zonas de descanso e convivencia cidadá. A área de xogos dividirase para albergar elementos para diferentes idades, desta forma crearáse unha zona para os máis cativos e outra para nenos de maior idade.
A zona norte terá unha superficie de 490 m2, na que se instalarán os xogos para os máis pequenos nas que se inclúe elementos de xogo de tacto e vista. O chan de caucho formará relevos, ademais inclúe un tobogán, unha tirolina, columpios, camas elásticas e disporá de elementos musicais, así como flores parlantes.
Na parte sur a superficie será de 386 m2 e está planificada para os nenos de máis idade con xogos de habilidade e equilibrio, realizando unha zona de xogo máis activa e dinámico, coa incorporación de elementos de balanceo e rotativos. A temática central a define a pola gran rede cunha cabaña en madeira de robinia da que parte un gran tobogán. Todo o parque infantil disporá de valado perimetral con burladeiros ornamentais, con motivos florais situadas na senda de acceso que atravesa o parque, pero garantindo o acceso para aquelas persoas con mobilidade reducida.
Caballero indicou que na reforma proxectada respectarase a masa arbórea da praza, xerando sombra natural no parque infantil, xa que dentro desa área quedan incorporadas as especies arbóreas. Toda a zona contará co seu correspondente mobiliario urbano, coa incorporación de bancos e papeleiras, ademais, contará cunha instalación de recarga solar para dispositivos móbiles.
