20.000 persoas visitaron as carpas instaladas na campaña ”De boa man”
A campaña ”De boa man”, promovida pola Concellería de Benestar Social e a Asociación de Comerciantes de Príncipe, realizouse durante o 22, 23 e 24 de maio co obxectivo de involucrar o tecido empresarial da cidade cara á integración social das persoas con discapacidade mediante un comercio solidario e alternativo.
Seis entidades para persoas con discapacidade que dispoñen de centro ocupacional como Agasfra, Apamp, Aspanaex, Doa, Menela e San Rafael expuxeron e venderon, nas carpas instaladas para a ocasión na rúa Príncipe, os productos realizados polos seus usuarios.
Durante os tres días que estiveron instaladas as carpas, achegáronse arredor de 20.000 persoas e realizáronse unhas 1.000 vendas, que rondaron as 500.000 pesetas de recadación.
Elaborouse un xornal con información relativa ós centros participantes e con entrevistas ós representantes das entidades que colaboraron no desenvolvemento da campaña. Repartíronse 2.000 xornais informativos a pé da carpa e uns 3.000 dípticos. Outros 5.000 exemplares da publicación distribuíronse por correo entre as asociacións de interese social, de maiores, de mulleres e de persoas con discapacidade da cidade de Vigo.
A valoración desta actividade emprendida conxuntamente pola Concellería de Benestar Social e as entidades participantes resultou moi positiva, tanto no que se refire á consecución dos obxectivos propostos como no traballo coordinado das entidades participantes.
Descargar todas as imaxes
Seis entidades para persoas con discapacidade que dispoñen de centro ocupacional como Agasfra, Apamp, Aspanaex, Doa, Menela e San Rafael expuxeron e venderon, nas carpas instaladas para a ocasión na rúa Príncipe, os productos realizados polos seus usuarios.
Durante os tres días que estiveron instaladas as carpas, achegáronse arredor de 20.000 persoas e realizáronse unhas 1.000 vendas, que rondaron as 500.000 pesetas de recadación.
Elaborouse un xornal con información relativa ós centros participantes e con entrevistas ós representantes das entidades que colaboraron no desenvolvemento da campaña. Repartíronse 2.000 xornais informativos a pé da carpa e uns 3.000 dípticos. Outros 5.000 exemplares da publicación distribuíronse por correo entre as asociacións de interese social, de maiores, de mulleres e de persoas con discapacidade da cidade de Vigo.
A valoración desta actividade emprendida conxuntamente pola Concellería de Benestar Social e as entidades participantes resultou moi positiva, tanto no que se refire á consecución dos obxectivos propostos como no traballo coordinado das entidades participantes.