O Concello financiará con 125.000 euros as actividades da Fundación Vide en 2025
O programa de actividades deportivas da Fundación Vide contará en 2025 cun orzamento de 125.000 euros. O alcalde puxo en valor a "transcendencia desta organización" na práctica do deporte na cidade.
Abel Caballero reafirmou hoxe, tras anunciar a aprobación da nova achega de financiamento á Fundación Vide por parte do Concello, a transcendencia desta organización na práctica de deporte da cidade. “A través de Vide o Concello conduce unha parte moi importante do deporte da cidade e, en consecuencia, desde o Concello, seguiremos financiando o deporte”, recalcou.
O alcalde lembrou que entre as actividades que se realizan ao longo de todo o ano pola fundación atópanse: Siareiros, VigoCup, VigoCup Fútbol sala, Torneo de Nadal, liga de natación escolar, patinaxe, ximnasia, Básquet 3x3, campus deportivos, Campus de Reyes, campamentos polideportivos e Premios Vide.