Abel Caballero: "En Vigo celebraremos con entusiasmo o ano de Castelao"
Abel Caballero destacou hoxe, no acto conmemorativo do 75 cabodano de Alfonso Daniel Rodríguez Castelao organizado polo IES que leva o nome do intelectual galeguista, que “en Vigo celebraremos con entusiasmo o ano de Castelao” a través dun programa que contempla numerosas actividades para lembrar a súa figura e a súa obra.
O alcalde felicitou este mércores aos profesores e alumnos do IES Castelao por organizar a primeira homenaxe, en coincidencia co día do seu nacemento, á vez que destacou a importancia do arranque das conmemoracións do ano Castelao en Vigo e en Galicia no centro educativo que leva o nome do intelectual galeguista.
“Nós, que somos dunha cidade onde tantos lugares e edificios levan o nome de Castelao, queremos conmemorar o papel do gran galeguista, da súa visión transversal de toda Galicia”, recalcou Abel Caballero, ao incidir en que “visto desde Vigo, ten unha dimensión distinta á que Castelao ten desde outros lugares porque a cidade está á cabeza da modernidade e da actualidade, e mantén extraordinariamente as súas raíces raíces e tradicións”. Recalcou que O Calvario é “un lugar marabilloso para iniciar o Ano Castelao”.