O proxecto da Biblioteca do Estado en Vigo dá un novo paso

O Plan Especial de Infraestruturas e Dotacións para a Biblioteca Pública do Estado en Vigo, aprobado no Pleno do Concello o pasado 30 de setembro, está xa inscrito no Rexistro de Ordenación do Territorio e Plan Urbanístico de Galicia, o que significa que a partir de agora “poderemos ceder ese espazo ao Goberno de España para edificar a Biblioteca”, apuntou Caballero.

Ao seu entender esta dotación supón “un novo avance moi importante na cidade de Vigo” e lógrase malia a “oposición da Xunta de Galicia” que non quería que se execute este proxecto. Con todo, o alcalde afirma que o Goberno de España “mantén a súa intención e vontade de construír unha Biblioteca do Estado cun orzamento que o anterior ministro de Cultura, Miquel Iceta, situara en 22 millóns de euros”.

Tal e como explicou, o goberno municipal queda pendente agora da visita do actual ministro da área para realizar a entrega da zona e edificar a biblioteca.