Vigo iza as 17 bandeiras azuis en praias e sendeiros
Os distintivos medioambientais ondearán en 12 praias e 5 sendeiros. O alcalde saudou ao “excepcional” servizo de salvamento, socorrismo, seguridade e limpeza nas praias.
![](https://xornal.vigo.org/storage/images/opt/V2k6G9I18D9Zw106CndeRMrtS9ZniQpc4sD7v5nI.jpeg)
O alcalde de Vigo izou a bandeira azul na praia de Samil e, por conseguinte, comezará a ondear este distintivo medioambiental no día de hoxe nos outros 11 areais da cidade que conseguiron o recoñecemento de ADEAC pola boa calidade da auga e os servizos para a cidadanía que ofrecen estas praias. Vigo tamén conta co distintivo en cinco sendeiros que suman 41km de percorrido ao longo da cidade.
“Así entendemos o medioambiente, coa adecuación das praias para os vigueses e viguesas e as persoas que nos visitan”, manifestou o alcalde, que situou a Vigo no primeiro posto das cidades españolas en número de distintivos azuis.
Abel Caballero saudou no centro municipal de coordinación de emerxencias e salvamento que velará estes meses pola vixilancia, seguridade e limpeza das praias de Vigo. O rexedor cifrou en 82 os socorristas, 30 os efectivos de costa da Policía Local, 25 profesionais de limpeza e 10 persoas para mantemento.
![](https://xornal.vigo.org/storage/images/opt/V2k6G9I18D9Zw106CndeRMrtS9ZniQpc4sD7v5nI.jpeg)
![](https://xornal.vigo.org/storage/images/opt/TP5syNjXW9zOudV5H7MLf7b3LhEBoV18GmAsfllS.jpeg)
![](https://xornal.vigo.org/storage/images/opt/DZfeQwD3sNGZPDDYCE5hlfDali5PeJHEinit0v9v.jpeg)
![](https://xornal.vigo.org/storage/images/opt/2uA0NMUobq0hP9QYkEMoAGLeXzBr4RNP0cFXow5J.jpeg)