Escoitar

Vigo estreará a renovada Plaza Elíptica cun gran acto polo Día das Letras Galegas

O alcalde visitou o avance das obras da Praza Francisco Fernández del Riego que, aproveitando o nomeamento do autor polo Día das Letras Galegas no 2023, será homenaxeado o 17 de maio cun busto da súa figura e a estrea da nova praza.

luns, 27 feb 2023

O Concello renderá homenaxe a Francisco Fernández del Riego polo Día das Letras Galegas coa estrea da praza que leva o seu nome e a colocación dun busto da súa figura: “A nosa idea é unha praza para actos cidadás e culturais, préstase para facer concellos ou algunha representación teatral”, dixo o alcalde logo de visitar esta mañá o avance das obras.

Caballero di que a obra “é a homenaxe que Francisco Fernández del Riego merece” e cualificou a autor como “un home tan importante para o conxunto da cultura de Galicia e que decidiu que Vigo era a súa cidade e a súa terra, o lugar onde tiña que estar”.

O Concello inviste 2,3 millóns de euros na renovación deste espazo na que medra nun 30% o espazo peonil. Nestes momentos, están a instalarse as pérgolas que ambas as dúas incorporan un número significativo de paneis solares para dotar de enerxía ás instalacións proxectadas e á iluminación da praza. Amais, instalarase novo mobiliario urbano, renovarase o pavimento, as redes de saneamento e abastecemento de auga, luz, electricidade, comunicacións e gas.

Descargar todas as imaxes