Escoitar

Caballero valora o “éxito” das saídas educativas pola ría, das que xa gozaron 600 estudantes

O alcalde saudou este martes ao alumnado de 6º de Primaria do Carrasqueira e do Emilia Pardo Bazán, que tomaron parte do programa municipal gratuíto “Unha xanela aberta á ría de Vigo”. Abel Caballero puxo en valor o “gran éxito” da iniciativa.

martes, 10 mai 2022
Caballero achegouse ao Náutico, punto de saída das dúas expedicións que partiron na mañá deste martes.
Caballero achegouse ao Náutico, punto de saída das dúas expedicións que partiron na mañá deste martes.

O Concello ofrece aos centros educativos da cidade percorridos didácticos pola ría para estudantes de 6º de Primaria, a bordo do Nautilus, dotado dun dron submarino e pantalla 4K para coñecer o fondo da ría de Vigo.

Este martes partiron case que un centenar de chicos e chicas dos colexios Carrasqueira e Emilia Pardo Bazán, elevando a 600 o total de escolares que xa tomaron parte no programa municipal. Na proposta, de aproximadamente unha hora de duración e a través de monitores especializados e con imaxes a tempo real, se mostra aos estudantes a riqueza da ría, a dinámica do plancto, o cultivo do mexillón e a fauna que habita no fondo da ría.

Descargar todas as imaxes