Volve VigoCultura con máis de 24 funcións neste primeiro cuadrimestre
A programación comezará o día 28 e 29 de xaneiro co pasarrúas The Wolves da compañía La Fam Teatre en rúa Príncipe. Xa están a venda as entradas dos espectáculos. Haberá dúas estreas mundiais de dúas compañías viguesas.
O alcalde presentou en rolda de prensa a programación de VigoCultura para o primeiro cuadrimestre de 2022. Están programadas 24 funcións de 20 compañías diferentes durante 21 días.
Entre xaneiro e abril haberá programación continuada para todos os públicos. Están programadas dúas estreas mundiais por parte de dous compañías viguesas: Hotel Europa de Señora Supina e O Péndulo de Inversa Teatro. Os espectáculos son de disciplinas variadas como teatro, circo, danza e maxia.
Abel Caballero explicou que, este ano, ademais de valorar a obra á saída do Auditorio, vai haber “un proceso de diálogo cos miles e miles de asistentes a VigoCultura para indicar a orientación da programación. Deste xeito, atendemos o que di a cidade”.
*No documento que achegamos á noticia pódese consultar a programación completa.