O goberno de Vigo remodela a Primeira Travesía Guixar, en Teis
O Concello está a instalar nova rede de saneamento e canalización de augas pluviais, ademais de construír unha beirarrúa. Trátase dunha rúa “que leva abandonada e deixada da man de deus un par de centos de anos”, afirmou Caballero.
É “unha humanización nunha zona onde ninguén atendía, ninguén coidaba e ninguén fixo nada de nada en anos”, na zona de Guixar, vía na que o Concello instalará nova rede de saneamento e pluviais, con pozos de rexistro, sumidoiros e colector ao que se contactarán as baixantes das vivendas.
O goberno de Vigo está a construír unha beirarrúa ao longo dos algo máis de cen metros que conta a Primeira Travesía Guixar, de metro e medio de ancho. Tamén se renovará a sinalización horizontal e, nos accesos das entradas particulares de vehículos, se rebaixará a cota da beirarrúa para facilitar o acceso.