O Concello colabora coa Feira de Ensinanzas Artísticas e Profesionais, que se celebra no Mar de Vigo
O alcalde achegouse este martes ata o auditorio de Beiramar, onde hoxe conclúe a sexta edición co apoio do Concello e a Deputación. Os asistentes poden obter información sobre medio centenar de opcións formativas existentes na área de Vigo.
Abel Caballero acercouse esta mañá ao hall do auditorio Mar de Vigo, que acolle onte e hoxe martes a sexta edición da Feira de Ensinanzas Artísticas e Profesionais, cuxo obxectivo é ofrecer información sobre distintas oportunidades formativas existentes en Vigo e comarca. O horario da sexta edición da Feira é de nove e media da mañá a dúas da tarde e de catro a sete da tarde.
Dirixido basicamente ao segmento novo da poboación, no certame ofrécese todo tipo de información sobre cursos, ciclos e graos aos que poden acceder os estudantes en modalidades moi diferentes como poden ser idiomas, pilotos de voo, xoiería, moda, barbería e estética, deseño web, deseño gráfico, música, teatro, comercio internacional, coidados auxiliares de enfermería, auxiliares de voo, criminoloxía, deseño, xemoloxía…
A feira, na súa sexta edición, logrou superar o número de centros participantes do pasado ano, con máis dunha vintena que representan a preto de medio centenar de opcións formativas, o que a converte nun punto de encontro inmellorable para os mozos e non tan novos que se están expondo o seu futuro profesional.
