Escoitar

Abel Caballero apoia manter a actividade naval nos terreos do antigo estaleiro de Vulcano

O alcalde respalda manter a actividade naval no espazo de Vulcano, un apoio que trasladou este xoves na Alcaldía aos integrantes do antigo comité de empresa do estaleiro e aos representantes de CCOO, UGT e CIG. O rexedor defendeu a “calidade técnica” do naval vigués, un “sinal de identidade” da cidade.

xoves, 27 feb 2020
Xuntanza da alcalde cos traballadores de Vulcano.
Xuntanza da alcalde cos traballadores de Vulcano.

Ao remate da reunión, o alcalde certificou que “queremos que en Vigo siga a haber o mesmo naval cando menos que agora”, unha industria “importantístima” que para Vigo é “máis que actividade económica”, é “un sinal de identidade” e “eixo central” na urbe olívica.

Abel Caballero valorou que a “calidade técnica” das estaleiros do naval de Vigo está “fóra de toda dúbida”, polo que apoia manter a actividade naval nos terreos do antigo Vulcano. Puxo en valor os “máis de mil empregos” que suporía, ademais da actividade económica indirecta, polo que concluíu: “seguirei do lado das centrais sindicais no apoio ao naval”.

Descargar todas as imaxes