Escoitar

Abel Caballero valora a inclusión a través do deporte na apertura do "I Torneo de baloncesto unificado"

O alcalde en funcións desprazouse este xoves ata o colexio Amor de Dios para participar, xunto a Special Olympics, na apertura do primeiro torneo de baloncesto unificado, con alumnos do centro educativo e do Club Polideportivo Aspanaex. <br />

xoves, 6 xuñ 2019
1559823848amordios.JPG
Alumnado do colexio Amor de Dios e do Club Polideportivo Aspanaex comparten equipo no primeiro torneo de baloncesto unificado, que promove a inclusión a través do deporte. A competición contou con catro equipos, todos eles compostos por xogadores con e sen discapacidade intelectual.

O alcalde en funcións, Abel Caballero, tomou parte na inauguración da xornada, xunto ao presidente do club, Jesús Berrido, á xefa de deportes do colexio, María Gómez, ao presidente de Special Olympics Galicia, Eladio Fernández, e ao director xeral de Special Olympics España, Enric Blesa.

O deporte unificado procura o desenvolvemento persoal dos alumnos e a creación de vínculos inclusivos e iguais entre os xogadores, ademais de potenciar unha percepción positiva das persoas con discapacidade intelectual e de xerar alianzas entre escolas e comunidades.
Descargar todas as imaxes