O Goberno de Vigo autoriza a rehabilitación do Pazo de Marqués de Valladares na rúa Oliva
O Concello, a través da Xerencia de Urbanismo, concedeu licenza ao proxecto de rehabilitación do antigo Pazo de Marqués de Valladares, emprazado na rúa Oliva 2-4, coa obriga de conservar, entre outros elementos, as fachadas de pedra. A propiedade contempla investir 1,6 millóns para a súa conversión en centro sociocultural recreativo.
O alcalde de Vigo, Abel Caballero, comunicou este xoves a "moi importante" autorización municipal concedida á propiedade para rehabilitar o antigo Pazo de Marqués de Valladares, inmoble sito na rúa Oliva 2-4. Esta licenza pasou hoxe xoves pola reunión do consello da Xerencia municipal de Urbanismo.
O rexedor vigués enfatizou que o antigo de Marqués de Valladares é o "único pazo de Galicia cun patio interior", algo "enriquecedor" e singular para o casco vello vigués.
Segundo explicou Caballero, o goberno vigués esixe a protección de elementos como as fachadas de pedra, as galerías, os balcóns, as barandas, as carpinterías de madeira, o xardín, o patio, o muro de peche e o portal, "en suma, protección absoluta". A autorización municipal permite a rehabilitación de catro sotos, entreprantas, pranta baixa e dúas alturas, cunha superficie total de 4.200 metros cadrados.
A promotora prevé rehabilitar o antigo Pazo cun investimento de 1,6 millóns para convertelo nun centro sociocultural recreativo. As obras comezarían en setembro e se prolongarían uns 18 meses.
O rexedor vigués enfatizou que o antigo de Marqués de Valladares é o "único pazo de Galicia cun patio interior", algo "enriquecedor" e singular para o casco vello vigués.
Segundo explicou Caballero, o goberno vigués esixe a protección de elementos como as fachadas de pedra, as galerías, os balcóns, as barandas, as carpinterías de madeira, o xardín, o patio, o muro de peche e o portal, "en suma, protección absoluta". A autorización municipal permite a rehabilitación de catro sotos, entreprantas, pranta baixa e dúas alturas, cunha superficie total de 4.200 metros cadrados.
A promotora prevé rehabilitar o antigo Pazo cun investimento de 1,6 millóns para convertelo nun centro sociocultural recreativo. As obras comezarían en setembro e se prolongarían uns 18 meses.