Abel Caballero visitou este venres o polideportivo de Samil para a clausura dun campamento de verán do Concello no que participaron, durante unha semana, máis de cen nenos e nenas de entre 6 e 14 anos, con práctica de pádel, tenis e kayak. O Concello programa este verán máis de 25.500 prazas en actividades estivais.
O alcalde indicou que xa están en marcha o pintado das medianeiras da rúa Coruña 9 e de Florida 30-34, "dúas obras de arte excepcionais", e revelou que hoxe venres comezan os traballos previos en Beiramar 129, nas escaleiras entre Romil e Camelias, no parque de Navia e no muro da igrexa de Fátima. O Concello adica ao programa de arte urbano medio millón de euros.
Esta fin de semana comezan de facto as festas de Vigo co primeiro dos concertos programados polo Concello no auditorio ao aire libre de Castrelos, ás 23 horas, e coas festas de Bouzas. Tras La Oreja de Van Gogh, recordou o alcalde, chegarán a Castrelos The Pretenders, Miguel Bosé, Carlos Vives, a Coral Casablanca e Crystal Fighters.