Caballero, satisfeito pola decisión do Ministerio de manter o partido xudicial vigués
O Ministerio de Xustiza trasladou á Federación Española de Municipios e Provincias, da que Abel Caballero é vicepresidente, que os partidos xudiciais non serán finalmente modificados nin se suprmirán as audiencias provinciais, tal e como prevía o proxecto de lei do anterior ministro, Ruiz-Gallardón. O alcalde valorou que Vigo manteña a súa autonomía xudicial.
O alcalde e vicepresidente da FEMP, Abel Caballero, informou esta mañá da comunicación cursada polo Ministerio de Xustiza á Federación indicando que finalmente os partidos xudiciais non serán modificados nin as audiencias provinciais suprimidas, tal e como prevía o proxecto de lei do anterior ministro de Xustiza, Ruiz-Gallardón.
O rexedor vigués valorou que se cumpra co demandado polo goberno local e pola práctica totalidade da cidade, e polo tanto quede garantida a autonomía dos órganos xudiciais da urbe. Desta "batalla política", certificou, Vigo sae "fortalecida"
O rexedor vigués valorou que se cumpra co demandado polo goberno local e pola práctica totalidade da cidade, e polo tanto quede garantida a autonomía dos órganos xudiciais da urbe. Desta "batalla política", certificou, Vigo sae "fortalecida"