A programación estable de artes escénicas continúa mañá venres no Auditorio Municipal coa obra "Hamlet, por poner un ejemplo"

O Auditorio Municipal retoma mañá a programación estable de artes escénicas da man da compañía teatral Factoría Teatro, que representará a obra para público adulto "Hamlet, por poner un ejemplo", a partir das 21 horas. Segundo informa a Concellería de Cultura, esta obra está incluída no programa "Con T de Teatro", polo que as entradas teñen un prezo de 7 euros e se poden adquirir na web www.laboleteria.es ou na propia taquilla unha hora antes do comezo da actuación.

xoves, 3 feb 2011
Coa autoría, adaptación e dirección de Mariano Llorente, os actores que conforman Factoría Teatro son ás veces personaxes que se asemellan a Ofelia, a Claudio, a Gertrudis e a Hamlet. Ao mesmo tempo, estes catro actores conforman unha banda de pobo tola e banal. Desde esa tensión, desde esa contradición violenta e desde ese amor por Shakespeare, arrinca este Hamlet para morrer de risa e de estupor. Nun escenario de calquera sitio, de calquera teatro, convenientemente decorado para a ocasión de formas pacegas, catro personaxes barrocamente ataviados producirán a inmediata impresión de estar en Elsinor, Dinamarca, e ante o formidable drama de Shakespeare.