Santi Domínguez destaca o fin solidario de Vigolandia, que se celebrará no Ifevi do 26 ao 30 de decembro
O tenente de alcalde, Santi Domínguez, presentou hoxe a nova edición de Vigolandia, que se desenvolverá no Ifevi do 26 ao 30 de decembro. O nacionalista salientou que esta iniciativa, unha das máis agardadas polos máis cativos da casa, non só ten como finalidade ofrecer un espazo de lecer e entretemento para toda a familia, senón que ten tamén un fin social moi importante xa que a recadación destinarase a entidades sociais da cidade.
Santi Domínguez explicou que o ano pasado o obxectivo é superar este ano os 21.000 visitantes que tivo a edición do ano pasado. Indicou que "é a perla" da programación de Nadal que organizan Tenencia de Alcaldía e a Concellería de Cultura e Animación Sociocultural. Nos 20.000 metros cadrados de Vigolancia haberá, segundo dixo, unha gran variedade de actividades, desde inchables e obradoiros, ata zonas deportivas, parques de educación viaria ou teatro.
Poder gozar das actividades de Vigolandia terá un prezo de 2 euros para os menores de 14 anos e de 3 euros para os maiores. O tenente de alcalde incidiu no aspecto solidario deste parque de Nadal, xa que toda a recadación irá destinada a unha ou varias entidades ou colectivos que traballan a prol das persoas máis desfavorecidas.
O tenente de alcalde quixo tamén agradecer a colaboración de todas as entidades e empresas colaboradoras que participan en Vigolandia. "Este gran evento de divertimento e ese obxectivo solidario que ten non sería posible sen a súa axuda e aportacións", salientou. Precisamente Jorge Santos, representante de Novacaixagalicia, en nome de todos os patrocinadores fixo un chamamento a todas as familias para que acudan a Vigolandia "porque neste caso a diversión ten premio, o premio da solidariedade".
O concelleiro de Cultura, Xesus López, explicou que Vigolandia desenvolverase en paralelo con outras actividades do programa de Nadal, indicindo en que as actividades que se programan teñen como finalidade o lecer, pero sempre "desde o camiño da formación e por tramos de idade". Entre outras actividades, salientou "O bosque dos vigolandios", os obradoiros "Carbonilla" e "Nadalteca" ou "Hip-hop school".
Nese campo da formación é xa tamén unha referencia en Vigolandia o parque de educación viaria da Policial Local. O concelleiro de Mobilidade e Seguridade, Xulio Calviño, explicou que "xogando tamén é posible facer educación viaria". Sinalou que haberá tres pistas, unha de triciclos para idades de entre 3 e 5 anos, outra de bicis para os maiores de 5 anos e outra de karts para os maiores .
Programa Nadal
Por outra parte, desde mañá os nenos e nenas de Vigo poderán facer os seus encargos ao Carteiro Real virtual instalado no Auditorio Municipal. Nesta primeira xornada o horario será de 17 a 20 horas, o venres de 11 a 13 horas e xa a partir do domingo recollerá as peticións en horario de mañá e tarde.
Xunto ao Carteiro Real virtual, inícianse tamén mañá os obradoiros e contacontos infantís na lonxa do Concello. Os obradoiros desenvolveránse en horario de 17 a 19 horas, mentras que os contacontos, que se inauguran mañá con "A historia de Martín", serán ás 19 horas.
Descargar todas as imaxes
Poder gozar das actividades de Vigolandia terá un prezo de 2 euros para os menores de 14 anos e de 3 euros para os maiores. O tenente de alcalde incidiu no aspecto solidario deste parque de Nadal, xa que toda a recadación irá destinada a unha ou varias entidades ou colectivos que traballan a prol das persoas máis desfavorecidas.
O tenente de alcalde quixo tamén agradecer a colaboración de todas as entidades e empresas colaboradoras que participan en Vigolandia. "Este gran evento de divertimento e ese obxectivo solidario que ten non sería posible sen a súa axuda e aportacións", salientou. Precisamente Jorge Santos, representante de Novacaixagalicia, en nome de todos os patrocinadores fixo un chamamento a todas as familias para que acudan a Vigolandia "porque neste caso a diversión ten premio, o premio da solidariedade".
O concelleiro de Cultura, Xesus López, explicou que Vigolandia desenvolverase en paralelo con outras actividades do programa de Nadal, indicindo en que as actividades que se programan teñen como finalidade o lecer, pero sempre "desde o camiño da formación e por tramos de idade". Entre outras actividades, salientou "O bosque dos vigolandios", os obradoiros "Carbonilla" e "Nadalteca" ou "Hip-hop school".
Nese campo da formación é xa tamén unha referencia en Vigolandia o parque de educación viaria da Policial Local. O concelleiro de Mobilidade e Seguridade, Xulio Calviño, explicou que "xogando tamén é posible facer educación viaria". Sinalou que haberá tres pistas, unha de triciclos para idades de entre 3 e 5 anos, outra de bicis para os maiores de 5 anos e outra de karts para os maiores .
Programa Nadal
Por outra parte, desde mañá os nenos e nenas de Vigo poderán facer os seus encargos ao Carteiro Real virtual instalado no Auditorio Municipal. Nesta primeira xornada o horario será de 17 a 20 horas, o venres de 11 a 13 horas e xa a partir do domingo recollerá as peticións en horario de mañá e tarde.
Xunto ao Carteiro Real virtual, inícianse tamén mañá os obradoiros e contacontos infantís na lonxa do Concello. Os obradoiros desenvolveránse en horario de 17 a 19 horas, mentras que os contacontos, que se inauguran mañá con "A historia de Martín", serán ás 19 horas.