A Casa da Xuventude amosa a exposición fotográfica "Impacto Visual" de David Muíños ata o 14 de decembro

O obxectivo do artista coa mostra "Impacto Visual" é chamar a atención do espectador ou espectadora, non que as súas obras lle gusten, senón que lle impacten, que as vexan diferentes, que lle queden na mente gravadas e que se imaxinen unha historia. A mostra recolle fotografías desde o espido artístico ata o retrato de moda, desde a foto máis caótica á mais sinxela, xa que busca a variedade para non estancarse en ningún estilo en particular.