Santi Domínguez salienta a consolidación de Stockaxe, que reunirá a 70 firmas os días 16 e 17 de outubro
O tenente de alcalde e concelleiro de Comercio, Santi Domínguez, destacou este venres a consolidación da feira Stockaxe, que na súa terceira edición xa manexa cifras similares á celebrada o ano pasado, con case 70 firmas confirmadas a dúas semanas do seu comezo. O evento, que terá lugar no Ifevi os días 16 e 17 de outubro espera superar tamén as cifras de visitantes, que no 2009 chegaron aos 22.000.
Santi Domínguez lembrou que Stockaxe naceu hai tres anos co obxectivo de axudar ao pequeno e mediano comercio nun momento de dificultades económicas, "que por desgraza aínda non pasou", apuntou. Destacou a importancia do sector na xeración de emprego, xa que suma 16.000 postos de traballo na cidade.
"Xa na primeira feira sorprendeunos a resposta dos comerciantes, a gran afluencia de público e uns resultados económicos moi aceptables", comentou o nacionalista. O tenente de alcalde afirmou que como nas outras dúas citas participarán os sectores téxtil, de calzado, droguería, mobles e decoración, xoiería e óptica, entre outros, "que practicamente encherán os 9.000 metros cadrados do pavillón 2 do Ifevi", sinalou.
Entre as novidades desta terceira edición de Stockaxe, Santi Domínguez destacou a ampliación do espazo de gardería. Indicou que se manterán os menús a "prezos asequibles" para facilitar a realización das compras, así como o "prezo simbólico" da entrada á feira, con 1 euro para os visitantes de máis de 13 anos e gratuíta para os menores de 12 anos que acudan acompañados.
"Queremos que os viguesas e as viguesas sigan apoiando este sector, porque o pequeno e mediano comercio deixa o seu retorno económico na cidade", salientou o tenente de alcalde. Asegurou que dende a Concellería de Comercio así se fará, "insistindo nas axudas directas para o consumo" nos establecementos de proximidade. Avanzou que xa se está "a punto de rematar" a nova convocatoria, para a cal xa hai máis de 2.300 solicitudes presentadas. Lembrou que na convocatoria anterior se concederon máis de 1.000 axudas.
A presidenta de Fecovi, Encarna Álvarez, agradeceu a Santi Domínguez "o seu apoio á organización da feira" e recoñeceu que sen a súa colaboración non tería sido posible facela. Asegurou que é un proxecto que xa forma parte de Fecovi, que se celebra nun "recinto de prestixio", polo que defenden "que se manteña no tempo".
Descargar todas as imaxes
"Xa na primeira feira sorprendeunos a resposta dos comerciantes, a gran afluencia de público e uns resultados económicos moi aceptables", comentou o nacionalista. O tenente de alcalde afirmou que como nas outras dúas citas participarán os sectores téxtil, de calzado, droguería, mobles e decoración, xoiería e óptica, entre outros, "que practicamente encherán os 9.000 metros cadrados do pavillón 2 do Ifevi", sinalou.
Entre as novidades desta terceira edición de Stockaxe, Santi Domínguez destacou a ampliación do espazo de gardería. Indicou que se manterán os menús a "prezos asequibles" para facilitar a realización das compras, así como o "prezo simbólico" da entrada á feira, con 1 euro para os visitantes de máis de 13 anos e gratuíta para os menores de 12 anos que acudan acompañados.
"Queremos que os viguesas e as viguesas sigan apoiando este sector, porque o pequeno e mediano comercio deixa o seu retorno económico na cidade", salientou o tenente de alcalde. Asegurou que dende a Concellería de Comercio así se fará, "insistindo nas axudas directas para o consumo" nos establecementos de proximidade. Avanzou que xa se está "a punto de rematar" a nova convocatoria, para a cal xa hai máis de 2.300 solicitudes presentadas. Lembrou que na convocatoria anterior se concederon máis de 1.000 axudas.
A presidenta de Fecovi, Encarna Álvarez, agradeceu a Santi Domínguez "o seu apoio á organización da feira" e recoñeceu que sen a súa colaboración non tería sido posible facela. Asegurou que é un proxecto que xa forma parte de Fecovi, que se celebra nun "recinto de prestixio", polo que defenden "que se manteña no tempo".