Escoitar

A Festa da Reconquista chega á VI edición coa pretensión de revalorizar o Casco Vello

martes, 12 mar 2002
imx1189.jpg
Programa
O alcalde, Lois Castrillo, e a presidenta do Plan Comunitario, María Xosé López, asinaron un convenio de colaboración para a celebración da Festa da Reconquista co obxectivo organizar unha representación teatral e actividades como obradoiros de vestiario, de danzas bretonas e tradicionais.

Con esta celebración, integrada no programa oficial de actos do Concello, preténdese a revalorización social do Casco Vello, dar a coñecer a historia da cidade dun xeito lúdico e fomentar a participación nas actividades culturais e de lecer nesa zona, explicou Castrillo.

Na pasada edición participaron 8.000 persoas e este ano xa se incrementou o exército de franceses para a representación teatral, que contará con 40 soldados napoleónicos que escenificarán a toma da cidade e a rendición das tropas para conmemorar a victoria dos vigueses nesta xesta militar.


Programa

Do 9 ó 15 de marzo

Mostra dos traxes da época confeccionados por veciñas do Casco Vello na sala de exposicións ”Os Peiraos” na praza da Constitución.

Sábado, 16 de marzo

18:00 Danzas bretonas na praza da Constitución, dirixidas por Suso Cancelas

19.30 Segunda parte do obradoiro de danzas bretonas

Domingo, 17 de marzo

17:30 Ruada pola muralla da cidade, animación de rúa con cabezudos e músicas tradicionais

19:00 Obradoiro de bailes tradicionais impartido por Luis Prego na praza da Constitución

Luns, 18 de marzo

18:00 Danzas bretonas na praza da Constitución, dirixidas por Suso Cancelas

19.30 Segunda parte do obradoiro de danzas bretonas

Martes, 19 de marzo

19:00 Obradoiro de bailes tradicionais, soltos e agarrados, impartido por Luis Prego na praza da Constitución

Sábado, 23 de marzo

17:00 Inauguración do mercado de artesanía

17:30 Acto simbólico pola paz, solta de pombas na praza da Constitución

Ruada de músicos tradicionais, xigantes e cabezudos

19:00 Títeres Cachirulo representa ”El-rei Artur e a abominable dama” na praza da Princesa

21:30 Concerto de grupos tradicionais galegos Faioco, Ardentía e de folk francés Skolvan. Baile participativo, danzas francesas e galegas.

Domingo, 24 de marzo

Mercado de artesanía na praza da Constitución, rúas e prazas do Casco Vello durante todo o día.

11:00 Mostra de oficios tradicionais

17:00 Representación teatral da Reconquista

20:00 Festa participativa cos personaxes e grupos convidados na praza da Constitución

Descargar todas as imaxes