Abel Caballero e David Regades asinaron o protocolo de actuación no ámbito da Panificadora que impulsa o seu desenvolvemento urbanístico. “Marcamos o inicio de recuperación da Panificadora para a cidade”, declarou o alcalde. A licitación do proxecto estará no primeiro semestre de 2025.
O alcalde anunciou que a Xunta de Goberno Local aprobou o proxecto para a cubrición da pista exterior, localizada no Centro Cultural. Tamén se aprobou o proxecto para a construción dun muro de contención e peche no Colexio Igrexa – Valladares.
Abel Caballero expresou este venres o “entusiasmo” de Vigo por ser o epicentro da Semana Europea do Deporte ao acoller o evento central en España dunha iniciativa que permitirá á cidadanía participar dun intenso programa de actividades gozando de xornadas de portas abertas nas instalacións municipais. Os actos desenvolveranse do 23 ao 30 de setembro baixo o lema “#BeActive”.
Abel Caballero anuncia que o Concello irá aos tribunais se a administración galega non atende ao requirimiento de Vigo. “Imos ir aos tribunais”, indicou o rexedor.
O Consello da Xerencia de Urbanismo dará luz verde o próximo martes á licenza de obra solicitada pola Xunta de Galicia para adaptar un local da rúa Abeleira Menéndez como sala de vodas.
Abel Caballero mantivo un encontro este venres con Justo Sierra e Enrique Mallón, presidente e secretario xeral de Asime respectivamente, a quen lles trasladou o compromiso municipal coa próxima edición de Mindtech, a Feira internacional de industrias do metal e tecnoloxías que celebrará a súa cuarta edición do 17 ao 19 de xuño de 2025 no Ifevi. O goberno municipal colabora coa feira desde o seu lanzamento no ano 2019.