O Servizo de Axuda a Domicilio do Concello atendeu ao longo de 2023 a 1.300 persoas con distintos graos de dependencia. Así o detallou este luns o alcalde ao explicar que se dedicaron máis de 600.000 horas á atención, ao avanzar a festa de celebración de Nadal organizada mañá no hotel Coia, que contará coa participación de 578 persoas entre usuarios do servizo e acompañantes.
Abel Caballero expresou que o Nadal está a atraer a milleiros de turistas e visitantes e que "se están a bater todos os récords". O alcalde explicou que a ocupación hoteleira foi case do 100% e que moitos dos que se achegan a Vigo para visitar as luces de Nadal teñen que pernoctar noutras vilas como Pontevedra ou Ourense. Caballero valorou positivamente o bo funcionamento do dispositivo de tráfico para a recepción dos visitantes e certificou os cheos absolutos na hostalería e comercios. Tamén valorou positivamente o retorno social que está a ter o Nadal: "Os visitantes convértense en prescriptores do Nadal", manifestou.
Abel Caballero deu conta dun aumento dun 25% do orzamento de deportes para 2024 que alcanzará os 18 millóns. Así o dixo durante a entrega de axudas a 28 deportistas de elite Sub-23 organizada este luns no Pavillón das Travesas.
O Concello quere recoñecer a traxectoria da escultora e pintora, viguesa de adopción, autodidacta e eloxiada por Laxeiro, agora que se cumpren vinte anos desde a súa última creación. A mostra pode visitarse ata o 31 de marzo.