O orzamento de deportes para 2024 ascende a 18 millóns, un 25% máis que o ano en curso

O alcalde participou hoxe no Pavillón das Travesas na entrega de bolsas municipais a 28 deportistas de elite Sub-23. O programa inclúe achegas para 12 mozas e 16 mozos que practican diferentes modalidades: atletismo, bádminton, ciclismo, esgrima, hípica, yudo, natación, surf, taekwondo, tenis, tenis de mesa, vela, ximnasia, orientación, patinaxe ou squash. Durante os últimos anos, destinamos 200.000 euros aos deportistas Sub-23 da cidade, ademais de dedicar 50.000 euros para becar a deportistas de alto nivel da cidade. Tal e como lembrou o rexedor, o orzamento para o ano 2024 ascende a 18 millóns de euros, un 25% máis que o ano pasado.