Abel Caballero e Manuel Reigosa reuníronse este xoves no Concello para abordar varias cuestións de interese para ámbalas entidades, entre eles, os edificios de Zona Franca na ETEA e a necesidade de espazos na cidade.
O goberno local decidiu aprazar as visitas teatralizadas ao cemiterio de Pereiró programadas para o venres 3 de novembro polo temporal e as alertas decretadas pola AEMET. O Concello avisará aos inscritos para este día. Está previsto que os roteiros dean comezo unha vez rematen as alertas amarela e laranxa que se están a anunciar estes días por vento e choiva.
Abel Caballero chamou este xoves a seguir contestando á violencia machista e a defender o dereito á igualdade das mulleres, especialmente ante os partidos que “queren retrotraernos” ao pasado, cun “proceso de unidade” social e cultural permanente liderado polas mulleres. Así se expresou ante o delegado do Goberno en Galicia, Pedro Blanco, e ante as persoas que participaron no acto organizado no Museo de Arte Contemporánea de Vigo con motivo, o próximo 25 de novembro, do “Día Internacional da Eliminación da Violencia contra a Muller”.
O alcalde recibiu este xoves a unha representación dos veteranos Melgachos Rugby Club que organizan o IX Torneo Movember, que se celebrará o vindeiro 11 de novembro no campus universitario das Lagoas entre as 16 e as 18:30 horas da tarde. A competición será entre un equipo formado por xogadores galegos e o Old Vrac’s de Valladolid. O club Melgachos leva desde o ano 2014 organizando este torneo solidario cuxos beneficios e patrocinios irán á Asociación Española contra o cancro, en concreto para a loita contra o cancro de próstata.
Durante esta fin de semana, o Concello oferta actividades culturais para público infantil e adulto. Obras de teatro, concertos, exposicións, entre outros plans.