O goberno local avanza na rehabilitación da fachada da Basílica aprobando o concurso de ideas que permitirá buscar a mellor solución para a reforma das seis edificacións existentes e transformalas nun edificio dotacional. O importe do proxecto é de 78.000 euros e o primeiro clasificado ademais de recibir 15.000 euros, redactará o proxecto básico e de execución.
O contrato foi adxudicado para os próximos cinco anos, co encargo de conservar todos os parques infantís, biosaudables, pistas deportivas, de skate, fontes ornamentais, bebedeiros, bancos e as piscinas de Samil. O alcalde explicou que se inclúe a obriga de subrogar vinte empregos.
As comunidades de montes das diferentes parroquias da cidade recibirán 700 árbores -castiñeiros e carballos -para que sexan plantados no ámbito forestal. En rolda de prensa o rexedor felicitouse por liderar o goberno local que máis árbores plantou na historia da cidade.
Abel Caballero visitou este venres as instalacións do centro comercial Coia 4 logo das obras de reforma e rehabilitación realizadas tralo incendio que sufriron o pasado mes de outubro e que danou arredor de 80 locais. O rexedor trasladoulle aos comerciantes o ánimo e apoio do goberno municipal no reinicio da actividade e felicitounos pola axilidade coa que foron quen de acometer os traballos de rehabilitación e reparación dos espazos