O alcalde de Vigo visitou este luns as obras de reforma da Praza de América que comezaron a pasada semana. Abel Caballero destacou que toda a zona será reorganizada para goce cidadán e posta en valor da obra de Silverio Rivas.
O alcalde valorou este luns o "crecemento excepcional" de Peinador, que en 2018 sumou 1.130.000 pasaxeiros, un 6% máis que o ano anterior, como consecuencia do "apoio que estamos a dar desde o Concello". Caballero avanzou que o goberno de Vigo traballa para ter un voo a Londres todo o ano e ultima un concurso público.
O alcalde de Vigo volveu poñer en valor esta mañá que Vigo é a única cidade galega cun albergue municipal que, ademais de cama ofrece servizo de comedor. Non obstante, para atender ás persoas que non queren acudir ás dependencias de Marqués de Valterra, o Concello mantén operativo o dispositivo do frío, que entrega bebidas quentes, sopa, mantas e sacos de durmir.
A cita, con numerosos artistas invitados, será o 2 de febreiro no Mar de Vigo. Trátase dunha actuación especial de SonDeSeu en apoio á candidatura de Cíes Patrimonio da Humanidade.
Abel Caballero mantivo este luns un encontro "cordial e moi satisfactorio" co director executivo de Ritz-Carlton Yatch Collection, Douglas Prothero, firma que traballa co estaleiro Barreras para a construción do seu novo cruceiro de luxo. O alcalde transmitiulle o "apoio total" ao estaleiro pola "súa calidade" e valorou o apoio do Goberno de España, a capacidade pesqueira e tecnolóxica de Vigo así como a "estabilidade política" da cidade e atopou no CEO de Ritz-Carlton un "cooperador" difundindo as bondades viguesas.
A Concellaría de Normalización Lingüística organiza un curso de árbores e plantas que será guiado por Marcelo Rodriguez (Faia Educación Ambiental) e Xabier Xil.Neste curso nos achegaremos ás plantas, ás árbores, aos seus usos tradicionais, nomenclaturas, toponimia... A inscrición é de balde a través da web snl.vigo.org
O alcalde de Vigo recibiu hoxe a unha representación do Club Baloncesto Seis do Nadal, que lle presentou a Liga Linco de baloncesto escolar, de novo en marcha o vindeiro venres 25 no pavillón municipal de Navia. <br /> <br />