Abel Caballero avanzou hoxe martes que o próximo consello da Xerencia de Urbanismo validará a adxudicación do novo PXOM e da actualización da cartografía. Para o novo Plan, e unha vez asinado o contrato, a empresa presentará en dous meses un diagnóstico socioeconómico, explicou o alcalde.
Abel Caballero mantivo este martes unha reunión de traballo co presidente de Abanca, Juan Carlos Escotet, e o delegado da Zona Franca, David Regades, para coñecer os novos proxectos que ten en marcha o Consorcio e estudar posibles vías de cooperación a favor do desenvolvemento de Vigo. O alcalde de Vigo tamén quixo asistir ao encontro para felicitar a ambos responsables polo traballo que van a poñer en marcha a favor da cidade.
Abel Caballero deu conta esta mañá do regreso dos primeiros participantes do programa de inmersión lingüística municipal, que seguirá nos próximos días de xeito escalonado. En declaracións aos medios comprometeuse a manter, polo menos, as mesmas bolsas que este ano cando viaxaron 750 de 3º da ESO aos que se sumarán outros 92 da Escola Oficial de Idiomas.
A décimo terceira xornada do ciclo "Vigo ante o seu futuro", da Fundación Provigo, céntrase na achega da innovación ás empresas, gobernos e sociedade.
O Concello ten o borrador de convenio de cesión gratuíta do edificio, situado en Enrique Lorenzo 54, e xa traballa nos informes de valoración do estado das instalacións. Logo da negativa do anterior executivo central, o alcalde valorou que o novo Goberno de España ceda "con celeridade e de balde" este inmoble.
As Escolas Deportivas Municipais abriron un novo curso o pasado día 1 (ata o 31 de maio) e o Concello de Vigo oferta este ano 6.000 prazas no programa municipal de escolas deportivas, un milleiro máis que o ano pasado. "É bo ter dispoñibilidade e algunha marxe porque a matrícula ábrese cada mes". No curso 17/18 ocupáronse ata 4.600 prazas, é dicir, un 92% da oferta.