<br /> O rexedor vigués anunciou este mércores que lle solicitou ao goberno autonómico adiantar a reunión, para hoxe mesmo ou mañá, para certificar a entrada de Vigo no transporte metropolitano. A conselleira de Infraestruturas da Xunta ofertara o venres ou dúas datas de xullo para a entrevista.
<br /> Abel Caballero participou este mércores na inauguración da nova exposición que acolle o Museo Verbum de Samil. "Emporium. Mil anos de comercio en Vigo" recolle as relacións comerciais de Vigo desde a prehistoria ata a chegada dos árabes, con pezas nunca expostas e restauradas para a ocasión.
Abel Caballero recibiu este mércores a Yinam Cohen, Ministro Conselleiro da Embaixada de Israel en España, quen lle transmitiu o interese do país de Oriente Próximo pola cidade e, especificamente, polo desenvolvemento da industria e do I+D que experimenta o Concello. Así, ambos abordaron a posibilidade de estreitar relacións proximamente para trazar relacións que acheguen a Vigo e a Israel no ámbito comercial. <br />