Durante a visita que realizou a un dos campamentos de verán onde os cativos aprenden a reciclar, o rexedor lembrou que o Concello ofertou este ano case 7.000 prazas máis, ata un total de 22.156 para dar resposta á demanda social. Ademais puxo en valor a aprendizaxe dos nenos nas actividades e a capacidade que ofrecen de conciliar vida familiar e laboral.
O rexedor vigués acudiu este martes á praia de Samil, onde saudou aos dezaseis efectivos que conforman a unidade Costa e Praia da Policía Local, parte dos máis de oitenta profesionais que traballan na seguridade, salvamento e socorrismo nos areais de Vigo, ata o 15 de setembro.
A Xunta de Goberno Local aprobou o expediente de contratación do funcionamento do Centro Integral de Inclusión e Emerxencia Social por un prazo de catro anos e cun importe total de 3.699.706 euros. Para o rexedor trátase dun "albergue de atención integral" que garante que "ninguén que queira durmir a cuberto deixa de ter un teito en Vigo".
O concelleiro de Deportes, Manel Fernández, presentou este martes o IV Torneo Concello de Vigo de pádel, que organiza o Club de Pádel Barreiro nas pistas municipais de Máis que Auga (Barreiro e Navia), e anunciou que o evento "xa se garantiu o récord de participantes".