O goberno vigués dedica case 300.000 euros ás escolas deportivas municipais
Co fin de impulsar a formación deportiva da infancia o presuposto das escolas deportivas medra un 15% respecto ao ano anterior. A Xunta de Goberno Local resolveu tamén as axudas municipais excepcionais de comedor a 57 alumnos por un importe de 13.500 euros, aceptou a cesión dunha parcela en Ramón Nieto para ser empregada como horta urbana e aprobou a segregación e agrupación da parcela de Navia para que a Xunta amplíe o CEIP Castelao.
