Abel Caballero informou hoxe do número de solicitudes presentadas no Concello para recibir axudas para afrontar o pagamento do alugueiro, a alimentación e os subministros de enerxía. A expensas das que puideran realizarse a través doutros rexistros, realizáronse 2.948 peticións, un 5% máis que na convocatoria do ano 2015.
Segundo informou este xoves Abel Caballero, o goberno de Vigo xa iniciou o servizo de socorrismo, salvamento e asistencia sanitaria en dez areais vigueses. Funcionará ata o 15 de setembro e o Concello adica 426.000 euros. Tamén traballan no litoral vigués e nas Illas Cíes 16 axentes da unidade Costa e Praia da Policía Local. <br />
O alcalde asinou este xoves o convenio de colaboración coa Asociación Solidariedade Galega co Pobo Saharauí para colaborar co programa anual "Vacacións en paz" do ano 2016 que, cun importe de 26.000 euros, servirá para custear os traslados dos cativos para pasar o verán con familias viguesas, das que eloxiou o seu "labor humanitario" nesta causa.
O 21 de xuño é o Día Internacional do Ioga e Vigo súmase á xornada cunha macro-clase -denominada IOGACÍES- na explanada do Náutico. Explicou o alcalde que son 200 os inscritos ata o momento nunha acción de máis de dúas horas acompañada de exhibicións e música en directo para apoiar a candidatura das Illas Cíes a Patrimonio da Humanidade.
O alumnado da Escola Municipal de Danza e Percusión Tradicional celebrarán o venres, 17 de xuño, o acto de clausura do curso na praza do Rei ás 20.30 horas.<br />