O alcalde fixo este mércores un repaso ao 2015 que termina, un "moi bo ano" no ámbito municipal no que salientou as políticas social e de emprego e a estabilidade política da cidade, que permite ao Concello ter xa un orzamento aprobado para 2016 e ter aprobado o inicio dun novo PXOM. Caballero tamén subliñou que Vigo presida a FEMP e tamén a Deputación de Pontevedra.
Abel Caballero garante que "ninguén en Vigo será desafiuzado mentres eu sexa alcalde" grazas a este programa que permitirá atender as necesidades urxentes de pagos de alugueres, alimentación e enerxía ao longo do ano. A Xunta de Goberno tamén aprobou a compra dun vehículo autobomba para os bombeiros de Balaídos por un importe de case 400.000 euros.
Abel Caballero informou este mércores da aprobación da oferta de emprego público do Concello de Vigo correspondente ao ano que remata, composta por 7 prazas de persoal laboral de promoción interna e outras 20 de persoal funcionaria, das que quince serán de quenda libre. A Xunta de Goberno Local tamén validou a conxelación das tarifas do VITRASA para 2016.
O goberno de Vigo e o SERGAS mantiveron este mércores unha reunión sobre os accesos desde o aparcamento público que constrúe o Concello ao Hospital Álvaro Cunqueiro. Caballero valorou que "se avanzou bastante" e considera "cuestión inamovible" conseguir unha entrada directa, é dicir, "os mesmos accesos e as mesmas rutas" que empregan os usuarios do aparcamento de pago. <br />
O rexedor vigués mantivo un encontro este mércores con Alicia Peralejo e Victoria Romero, presidenta e vicepresidenta da asociación Acción contra a violencia de xénero, á que Caballero amosou todo o apoio do Concello no desenvolvemento do seu labor xa que "en Vigo queremos estar continuamente na loita contra a violencia de xénero sen ningunha limitación nin restrición" e solicitou á Xunta de Galicia "que dedique máis recursos a esta loita en Vigo".
O alcalde de Vigo, Abel Caballero, acompañado polo concelleiro de Deportes, Manel Fernández, anunciou a primeira edición do Circuíto Concello de Vigo de atletismo en pista.
A Pinacoteca Municipal "Francisco Fernández del Riego" acolle a exposición "Así nos ven. Así somos?. A imaxen da muller na arte", unha produción da Concellería de Cultura, comisariada por Susana Cendán e que se poderá visitar ata finais do mes de xuño.
Co gallo da Cabalgata de Reis adoptaranse as seguintes medidas en materia de tráfico e seguridade para o martes, 5 de xaneiro de 2016: Ás 17,00 horas terá lugar o acto da recepción das autoridades ás SS.MM os Reis Magos na Porta do Sol. A saída da comitiva da Cabalgata de Reis está prevista para as 18,00 horas e percorrerá as rúas García Barbón (dende o nó de Isaac Peral, Policarpo Sanz, Porta do Sol, Elduayen e Paseo de Alfonso XII (remate). O remate esta previsto no Paseo de Alfonso XII. O desmonte da comitiva terá lugar no Paseo de Alfonso XII, rúa Falperra e rúa Cachamuiñas.
Atendendo ó acordo plenario do Concello de Vigo de data 26 de outubro relativo a modificación da modalidade na xestión do servizo público de Deportes ( Instituto Municipal dos Deportes) e en consecuencia, á desaparición do Organismo Autónomo a partires do 1 de xaneiro de 2016, así como a resolución do 15 de decembro do Presidente do IMD e Concelleiro de deportes, infórmase: