A Xunta de Goberno Local e o Consello da Xerencia de Urbanismo deron o visto bo este xoves á elaboración do novo Plan Xeral de Ordenación Municipal de maneira que se inicia un proceso que, para Abel Caballero, será "excepcionalmente breve". O rexedor demandou da Xunta de Galicia solucións para a ampliación de Citroen, para a Cidade da Xustiza e para a ampliación do Parque Tecnolóxico de Valadares.
O Concurso de Tapas de Vigo, o Petisquiño, pechou hoxe xoves a súa segunda edición coa entrega de premios, acto no que participou o alcalde de Vigo. Caballero asegurou que o certame pon en valor a hostalería viguesa, un sector "tan importante no emprego e na xeración de valor engadido e de cultura gastronómica".
O servizo de Normalización Lingüística ven de presentar unha nova edición do programa "No Nadal... un conto". Dende o vindeiro 18 de decembro até o 5 de xaneiro este programa levará unha chea de actividades dirixidas ao público familiar e infantil por distintos lugares do municipio.