Así o informou este xoves o alcalde de Vigo logo dunha visita con escolares ao humidal da Bouza pola conmemoración do Día Mundial dos Humidais. Abel Caballero asegurou que a cidade ten a capacidade técnica, económica e a sensibilidade ambiental necesaria para asumir a competencia, que reclama para o municipio sen contrapartida económica.
Abel Caballero salientou hoxe xoves que Vigo concluiu o 2014 cun total de 621 prazas de aparcamento para persoas con mobilidade reducida, cando no 2006 eran 120. O alcalde recordou que o Concello atende todas as solicitudes recibidas e indicou que Vigo supera amplamente o ratio que establece a normativa.
O alcalde de Vigo participou este xoves nun acto académico-escolar organizado pola Fundación Penzol para homenaxear a figura de Xosé María Álvarez Blázquez, na celebración dos 100 anos do seu nacemento. Case medio centenar de alumnos do IES Alexandre Bóveda interpretaron unha peza musical composta por eles mesmos.