Abel Caballero remitirá un escrito á conselleira de Sanidade manifestando o seu rexeitamento á intención do SERGAS de trasladar o ambulatorio de Beiramar ao de Rosalía de Castro. Tras unha reunión hoxe xoves con médicos do centro, o alcalde indicou que a medida responde a motivos económicos e censurou o peche de infraestruturas na área de Galicia con "peor atención sanitaria".
Abel Caballero firmou hoxe xoves un convenio coa Rede de Mulleres polos Malos Tratos, que supón un apoio económico por valor de 13.500 euros destinados a promover as actividades da rede e á loita pola igualdade e contra a violencia de xénero. Esta subvención, compleméntase con outras actividades municipais na defensa das mulleres vítimas de malos tratos como é o Centro de Emerxencia para toda Galicia, financiado integramente polo Concello.
Así o anunciou este xoves o alcalde, quen explicou que as obras de rehabilitación do antigo chalé Mirambel van "a moi bo ritmo" e concluirán entre o 10 e o 15 de xuño. A apertura do Centro é unha "moi boa cuestión para a cidade", salientou, por dar a coñecer a presenza da cultura romana na cidade de Vigo.
Abel Caballero quixo facer esta mañá un especial recoñecemento aos patrocinadores privados do Rally Internacional Rías Baixas "nestes tempos tan difíciles". Durante a presentación da 50 edición desta proba, tamén felicitou aos organizadores e fixo un especial chamamento á preservar á seguridade do público.
A praza de Compostela acolle a Feira do Libro Novo de Vigo entre os días 23 de maio e 1 de xuño que contará coa presenza das dúas bibliotecas públicas da cidade, a Biblioteca Pública Juan Compañel maila Biblioteca Municipal "Neira Vilas".