O alcalde de Vigo, Abel Caballero, informou este venres da apertura do treito final de Rosalía de Castro, na unión con García Barbón, rematando así con 17 anos de procedemento e "cumprindo con todos os requisitos legais" tras ser aprobado hoxe a recepción das obras na Xerencia municipal de Urbanismo e na Xunta de Goberno Local.
O alcalde manifestouse en "absoluto desacordo" coa decisión do goberno autonómico de non construir a conexión de emerxencia entre a confluencia dos ríos Verdugo e Oitavén coa condución de auga de Vigo. Caballero recordou que o encoro de Eiras atópase no 44,3% da súa capacidade e por debaixo do 35% "a calidade do auga vai empezar a diminuir de forma visible". O consumo actual é de medio punto por día.
Abel Caballero informou este venres da saída a concurso dos proxectos de humanización das rúas Nicaragua, Menéndez Pelaio, Doutor Marañón e as segundas fases de Aragón e Martínez Garrido, sumando un importe total de 10,8 millóns de euros. O alcalde defendeu as humanizacións como "modelo de cidade sostible", xeradoras de economía e creadoras de "miles de postos de traballo".
Lémbrase á cidadanía que, de acordo co sinalado na disposición transitoria única da vixente Ordenanza municipal reguladora da Inspección Técnica de Edificacións (ITE) do Excmo. Concello de Vigo, durante este ANO 2011 deberán pasar a súa primeira inspección AS EDIFICACIÓNS CONSTRUÍDAS ENTRE 1970 E 1980.