martes, 11 out 2011
O alcalde de Vigo defendeu hoxe martes a cancelación do contrato de aluguer do edificio Asefal porque supuxo un aforro de 250.000 euros por ano. Caballero calificou que "escándalo" o prezo acordado pola súa antecesora no cargo e adiantou que as entidades vencelladas ao Concello que alí operaban -FAIMEVI e a Fundación Carlos Casares- son realoxadas nas dependencias municipais de Areal.
martes, 11 out 2011
O concelleiro de Deportes, Manel Fernández, visitou hoxe as aulas de Educación Especial do colexio público Seis do Nadal, invitado polo centro. Durante tres cuartos de hora interesouse polas afeccións deportivas dos nenos e nenas presentes, que contan con tres titores e dous profesores de logopedia.
martes, 11 out 2011
O ciclo "Mulleres con Historia" centrará a próxima charla en Sofía Casanova (1861-1958), escritora, poeta e xornalista. A sesión presentada pola profesora Rosario Martínez será o xoves 13, ás 19 horas no Centro de Documentación e Recursos Feministas, servizo adscrito á concellería de Igualdade.
ANUNCIO DE MOBILIDADE, TRANSPORTES E SEGURIDADE<br />
martes, 11 out 2011
Ponse en coñecemento do público en xeral que por mor das obras de reparación de canalización de <br />
saneamento, a realizar pola empresa AQUALIA, estará pechada ao tráfico a rúa PARROCHA, con acceso exclusivo para garaxes, dende o xoves 13 de outubro de 2011 ás 10:00 horas e por un período aproximado de tres días.<br />
