Abel Caballero encabezou este martes a delegación municipal na apertura da humanizada rúa Cristo, no Calvario, "unha rúa que formaba parte da marxinalidade de Vigo ata o de agora". A veciñanza levaba "40 anos" agardando por unha mellora destas características, que contempla a renovación das redes soterradas, arborado, novos puntos de luz e xardineiras colgantes.
Diante do éxito de público que está a rexistrar, a mostra "Xoias da Colección Álvarez: Esplendor cerámico de Vigo", prorroga o seu tempo de exposición unha semana máis do inicialmente previsto. Así a mostra se poderá visitar na Casa das Artes ata o 25 de abril e non ata o día 18 como inicialmente estaba previsto. O horario de luns a venres é de 18 a 21.30 horas; os sábados de 11 a 14 horas e de 18 a 21.30 horas e os domingos e festivos de 11 a 14 horas. Para participar nas visitas guiadas é previso reservar chamando ao teléfono 986 295 070.
O proxecto da Concellería de Limpeza, Parques e Xardíns conta cun orzamento cercano aos 300.000 euros con cargo ao Fondo Estatal para o Emprego e a Sostibilidade Local do Goberno de España. A Concellería, dirixida pola socialista Raquel Díaz, acometerá ademáis a reparación de varios elementos destes xardíns que nestes momentos están deteriorados polo paso do tempo.