martes, 2 marzo 2010

Abel Caballero amosou a súa "inmensa satisfacción" polo "visto bo medioambiental" ao AVE por Cerdedo

O Ministerio de Medio Ambiente anunciou onte luns a validación do seu departamento ao traxecto da alta velocidade ferroviaria que unirá directamente Vigo e Ourense con Madrid. Xunto co túnel en construcción e a nova estación proxectada en Urzáiz, o alcalde valorou como "realidade imparable" o AVE directo a Madrid, e recordou o compromiso do ministro de Fomento de licitar conxuntamente proxecto e obra da variante de Cerdedo. <br />

Benestar Social destina 2,5 millóns de euros ao Servizo de Axuda no Fogar

martes, 2 mar 2010

A Concellería de Benestar Social do Concello de Vigo destina este ano 2.550.000 euros, un millón máis en relación co 2009, ao Servizo de Axuda no Fogar destinado a persoas maiores e dependentes da cidade, segundo anunciou hoxe a edil titular da mencionada área, María Méndez, durante a presentación do balance do SAF, que deu cobertura o ano pasado a un total de 636 persoas, das que 486 foron mulleres e 150 homes.

O tenente de alcalde avanza que a primeira biblioteca de barrio municipal abrirá tras o verán co nome do escritor Neira Vilas

martes, 2 mar 2010

O tenente de alcalde, Santi Domínguez, anunciou este martes que a primeira biblioteca municipal de barrio da cidade será unha homenaxe ao escritor Xosé Neira Vilas, xa que levará o seu nome. Na visita que xunto ao concelleiro de Cultura, Xesus López, realizou a esta nova dotación, ubicada na rúa Martínez Garrido, o nacionalista subliñou que ademais de contribuir a paliar a carencia de postos de lectura que hai en Vigo, o centro será un elemento fundamental na dinamización do barrio.