Abel Caballero acudiu este luns ao Conservatorio Superior de Vigo, onde visitou un ensaio da Banda Sinfónica de Vigo, conformada para ofrecer o concerto do Día de Galicia. O alcalde sinalou que "Vigo necesita dun avance cultural correlativo á nosa marcha económica", polo que aboga por estabilizar os membros e a programación da Banda.
O tenente de alcalde, Santi Domínguez, participou hoxe xunto ao fiscal superior de Galiza, Carlos Varela, e o presidente do Foro Peinador, Xosé González, no acto de descuberta dunha placa de homenaxe a Ramón Obella Vidal, investigador, empresario e galeguista que foi un dos fundadores de Zeltia. O concelleiro explicou que con esta iniciativa "estamos a cumprir unha débeda que esta cidade tiña con Ramón Obella Vidal", ao que, segundo dixo, non se lle ten dado o recoñecemento que o seu labor merece.
O alcalde de Vigo asinou este luns co Presidente da Asociación de Veciños de Teis, Antonio Collazo, un convenio de colaboración polo que o Concello achega 55.000 euros para o mantemento, coordinación e xestión de actividades do Centro Cívico do barrio.
Abel Caballero abríu formalmente este luns a campaña de captación de abonados do Real Club Celta de Vigo para a nova tempada 2009-2010. No acto de presentación, realizado nas instalacións deportivas da Madroa coa directiva e o plantel da entidade, o alcalde salientou o vínculo existente entre o Club e a cidade.
Abel Caballero recibiu este luns aos tres funcionarios municipais que este ano xubílanse despois de cincuenta anos de traballo no Concello de Vigo. O alcalde fíxolles entrega dunha serigrafía institucional a María Digna Pérez Fernández, Carmen Figueroa Costas e José Alves Alfaya para agradecerlles o seu traballo na administración local.