Abel Caballero recibiu este venres no Concello ao Comandante da "Almirante Juan de Borbón", Rafael Ceñal, recepción oficial para despois realizar ambos unha visita á Fragata, atracada no Porto de Vigo. A presenza da F-100 da Armada Española na cidade, que pode ser visitada pola cidadanía, forma parte dos actos previos ao Festival Aéreo do domingo.
Ponse en coñecemento do público en xeral que por mor do festival aéreo na praia de Samil, estará pechada ao tráfico, en sentido praias, a Av Europa, entre o 1º Cinto e Av Samil, con acceso exclusivo para garaxes e transporte colectivo, o domingo 19 de xullo de 2009 dende as 08.00 até as <br /> 18.30 horas.
O tenente de alcalde, Santi Domínguez, e a concelleira de Normalización Lingüística, Iolanda Veloso, presentaron hoxe en Samil as Ciclobibliotecas, unha iniciativa que ten como obxectivo o fomento da lectura e da nosa cultura nas praias. "Queremos achegar á lectura ás zonas nas que a cidadanía goza do seu lecer no verán", explicou Santi Domínguez.
O alcalde acudiu hoxe venres ao Porto de Vigo onde recibiu ás embarcacións Telefónica Azul e Telefónica Negro, que veñen de percorrer 37.000 millas náuticas durante oito meses na regata Volvo Ocean Race 2008-2009. Xunto co alcalde participaron na benvida o Secretario Xeral para o Deporte da Xunta de Galicia, o Director Territorial de Telefónica en Galicia y Asturias e o Director Xeral do Equipo Telefónica.
A Concellería de Benestar Social, en colaboración con Caixanova e Cruz Vermella pon en funcionamento o "Dispositivo de acceso ao baño para persoas con mobilidade reducida nas praias de Samil e Vao ano 2009".