Abel Caballero e a delegada do Consorcio, Teresa Pisano, acadaron este xoves un acordo para formalizar o convenio que permitirá ao Concello acometer o acondicionamento do pavillón e da piscina da ETEA con fondos de Zona Franca. A comezos do vindeiro ano, estimou o alcalde, estará listo "un dos complexos deportivos máis interesantes da cidade de Vigo".
O tenente de alcalde, Santi Domínguez, anunciou hoxe que acaban de adquirirse tres inmobles na rúa Abeleira Menéndez, un deles o pazo de Arias Taboada, para a ubicación da pinacoteca municipal, que será un novo centro expositivo do Museo da Cidade. O concelleiro asegurou que esté é o punto de partida para cumprir o compromiso de ter un lugar axeitado para expoñer os fondos pictóricos de Castrelos, que agora non se poden amosar por falta de espazo.
Abel Caballero, xunto con outros membros da Corporación Municipal, acudiron hoxe xoves ás proximidades do mercado de Bouzas para visitar a recén rematada humanización do entorno, nas rúas Pescadores, Poeta Añón, Covadonga, Eduardo Cabello e Alfredo Brañas. Preto de 300.000 euros de investimento para saldar "unha débeda da cidade con Bouzas", salientou o alcalde.
O concelleiro de Mobilidade e Transporte, Xulio Calviño, presentou este xoves o plan de tráfico habilitado para o Festival Aéreo Internacional de Vigo do vindeiro domingo, baixo a premisa de "potenciar o transporte público". Ademais das lanzadeiras, delimitaranse carrís bus nas Avenidas de Castelao e Europa e restrinxirase nesta última o paso de vehículos privados en dirección Samil.
O alcalde, o tenente de alcalde e a concelleira de Benestar Social deron hoxe a benvida do Concello de Vigo aos 50 nenos e nenas saharauis que este ano están acollidos por familias viguesas dentro do programa "Vacacións en Paz", que conta co financiamento do departamento de Benestar.
O auditorio de Castrelos abre o venres a programación das Festas de Verán coa actuación do grupo Keane ás 23.00 horas