O alcalde de Vigo, Abel Caballero, e o reitor da Universidade de Vigo, Alberto Gago, entrevistáronse este martes para abordar conxuntamente a situación na que quedan os estudos de Empresariais da cidade así como para coñecer a postura do reitor ao respecto da situación administrativa e territorial de Vigo na súa relación coa Xunta de Galicia.
Abel Caballero participará o próximo xoves no Cumio sobre Liderado dos Gobernos Locais no Cambio Climático que se celebra en Copenhague. O obxectivo do mesmo é centrar o papel que xogan os gobernos locais nos acordos porteriores a Kioto. O alcalde intervén no plenario previo ao peche, no que os gobernos locais e centrais establecerán estratexias contra o cambio climático.<br />
O tenente de alcalde, Santi Domínguez, garantíu este martes aos responsables da Liga Asobal que a Copa do Rei de Balonmán que se celebrará en Vigo nos meses de marzo e abril de 2011 "será un éxito deportivo e de público asegurado". O tenente de alcalde así o afirmou tras a sinatura do convenio para a celebración na cidade da XXXVI Copa do Rei de Balonmán, na que tamén participou o presidente da Liga Asobal, Javier Zuriarrain, o concelleiro de Deportes, Xabier Alonso, e o xerente de Asobal, Jordi Pallarés.
O concelleiro de Cultura, Xesus Lopez, e Roberto Relova, director artístico de Vigo Cultura, presentaron hoxe a novena edición do programa do ciclo de novos intérpretes Xeración 2000+9 que terá lugar do 9 ao 14 de xuño no Verbum-Casa das Palabras, con entrada libre até completar<br /> aforamento.
A Concellería de Benestar Social desenvolve a campaña "De Boa Man", na súa IX edición os días 2,3,4 e 5 de xuño de 2009. O proxecto consiste na instalación de tres carpas na rúa Príncipe, onde oito asociacións de persoas con discapacidade exporán e venderán os productos que realizan.