A raíz do desbordamento de espumas da pasada fin de semana, a concelleira de Vías e Obras avanzou hoxe luns que o Concello incrementará os medios humanos para garantir o seu axeitado funcionamento e nomeará a un interlocutor técnico en contacto permanente cos veciños, cos responsables políticos municipais e coa empresa de augas.
O programa da Concellería de Medio Ambiente, Vigo Camiño a Camiño, abriu este luns as inscripcións para a primeira ruta as Illas Cíes. A través do teléfono de atención cidadá 010, as 200 prazas foron reservadas en 90 minutos; e aínda quedan prazas libres para a ruta Fragoselo-Saiáns, tamén o vindeiro domingo, 26 de abril.
A Escola Municipal de Danza organiza o próximo mércores, 22 de abril, o XIII Festival "Os Reencontros" que se celebrará a partir das 20 horas no auditorio do Centro Cultural Caixanova con entrada gratuíta.
Do 20 ao 27 deste mes de abril, poderase consultar o censo electoral para os comicios ao Parlamento Europeo do vindeiro 7 de xuño. A consulta poderase realizar acudindo á oficiña de Estatística en horario de mañá de 9.00 a 13.30 horas e de tarde de 17.00 ás 19.00 horas.