O alcalde, Abel Caballero, recibíu este mércores a representantes da Asociación Galega de Enfermidades Neuromusculares, quenes solicitaron o apoio do Concello na procura de vivendas onde os enfermos poidan desenvolverse con normalidade. O rexedor comprometeuse a buscar vivendas e solo disponible para atender á "demanda xusta" de ASEM Galicia.
A Travesía a nado da Ría dispútase este domingo coa participación de 170 nadadoras e nadadores, o máximo permitido pola Capitanía Marítima. Patrocinada pola Concellería de Deportes, Xunta e Centro Comercial Gran Vía, a proba que organiza o Real Club Náutico vigués entra na súa novena edición coa ilusión de que este ano un galego supere a marca conseguida por David Meca en 2007 (44:58.56).
A exposición temporal "Do Gaudeamus Igitur" ao Venceremos Nós" sobre as revoltas estudantís en maio do 68 en Santiago de Compostela pode visitarse no museo Verbum - Casa das Palabras ata o vindeiro domingo 28 de setembro en horario de martes a domingo de 10 a 21 horas.
O próximo sábado terá lugar unha nova audición didáctica do programa de audicións estivais do Museo Liste. Nesta ocasión correrá a cargo de "Xalgarete", agrupación folclórica, nada en Vigo no ano 1987.A actuación, será de balde, dará comezo as 12:30 e desenvolverase na finca circundante ao Museo, na Rúa Pastora, 22.