martes, 1 abril 2008

O Goberno local limita o paso de vehículos polo ‘cortalumes’ do monte da Guía

O Goberno local decidiu na súa xuntanza do luns limitar o paso de vehículos polo camiño coñecido como ‘cortalumes’ do monte da Guía, para que a Dirección Xeral de Costas poida proceder á rehabilitación desta área do termo municipal. Deste xeito, segundo avanzou este martes o alcade, Abel Caballero, "en ano e medio" a zona poderá contar cun paseo marítimo que recuperará para os vigueses "un dos terreos máis fermosos da cidade".

1207055089xunta300108.jpg
1207052074comercio010408.jpg

Inaguradas as novas instalacións da asociación comercial Zona Centro

martes, 1 abr 2008

O tenente de alcalde, Santi Domínguez, inaugurou hoxe as novas instalacións da asociación comercial Zona Centro, á que recentemente ven de incorporarse a asociación do Mercado do Progreso. As novas oficinas, ubicadas nun lateral do mercado do Progreso, ofrecen unha imaxe renovada, e amosan o traballo que se está a desenvolver dende a Concellería de Comercio por "revitalizar o tecido comercial da cidade".

1207048926castrelos13.jpg

Novo número da revista "Castrelos"

martes, 1 abr 2008

O Museo Municipal "Quiñones de León" volve a editar a revista "Castrelos" na que se divulga as áreas de traballo do museo nos aspectos de arqueoloxía, arte, historia da cidade e museoloxía. A revista, primeiro número dunha segunda etapa, presentouna hoxe martes a concelleira de Patrimonio Histórico, Elena Maure e o director do museo, José Ballesta.

1207050831titanicorquestra.jpg

Espectáculo musical para escolares do grupo "New Titanic Arkestra"<br />

martes, 1 abr 2008

O Auditorio Municipal acollerá os días 2,3 e 4 de abril, o espectáculo didáctico-musical "Nuestras Músicas", especialmente creado para escolares do 3º Ciclo de Educación Primaria, ESO e Bacharelato polo Grupo de Zaragoza "New Titanic Arkestra". O espectáculo forma parte da colaboración do Servizo de Educación do Concello de Vigo e a Obra Social e Cultural de Ibercaja.