No seu segundo ano de vida, o Consorcio para a Rehabilitación do Casco Vello está traballando "a pleno rendemento", segundo afirma Corina Porro. A alcaldesa presentou hoxe venres proxectos e actuacións para a recuperación integral desta área da cidade.
A concelleira de Turismo e Comercio, Lucía Molares, asistiu o xoves, á presentación do proxecto de páxina web interactiva sobre o Casco Vello impulsada pola Asociación de Comerciantes e Hosteleiros Vigo Vello. O acto presentado pola presidenta de Vigo Vello, Milagros Domínguez Fernández, celebrouse no CITIC (Centro de Investigación en Tecnoloxías da Información e a Comunicación).
O Valedor do Cidadán, Luis Espada, presentou hoxe venres un informe sobre o botellón en Vigo. O informe baséase en enquisas personalizadas e a análise comparada de diferentes normativas para ofrecer unha panorámica dun fenómeno que atrae miles de mozos e mozas cada fin de semana.
O sábado día 21 e o domingo día 22, de 18:00 a 21:30 horas, a Sala A (Avda. Beiramar, 113). terá un ambiente circense para celebrar a fin de semana Circus. Así pois, ademais da súa programación de música e baile, dará cabida a unha programación alternativa onde varios monitores farán demostracións en directo de diferentes artes circenses e tratarán de ensinarlle algunhas delas aos/ás asistentes.
A Concellería de Xuventude do Concello de Vigo pon en marcha unha nova edición do programa de ocio xuvenil nas fins de semana "Tardes e Noites Vivas", que terá lugar dende o vindeiro día 20 de outubro ata o 30 de decembro.
A Concellería de Xuventude do Concello de Vigo, dentro da súa programación de Tardes e Noites Vivas trae á Compañía de teatro madrileña CARLOS BORSANI Y EL GAD,que van representar o vindeiro luns 23 e martes 24 de outubro a súa obra teatral "Los desastres del dinero", no Auditorio Caixanova.
<br />
<br />