luns, 2 outubro 2006

A Xunta de Goberno aproba novas obras do Plan Parroquias

A Xunta de Goberno Local aprobou na súa reunión de hoxe luns varios expedientes relativos a obras incluídas no Plan Parroquias, entre elas a de construción dunha nova ponte sobre o Lagares na Baixada ao Pontillón, a de mellora da Estación de Tratamento de Auga Potable do Casal e as de humanización da avenida Marina Española entre a avenida de Galicia e a ETEA.

Aprobado un gasto de 41.000 euros para as actividades do Centro Cívico de Teis

luns, 2 out 2006

A Concellaría de Participación Cidadá achegará cerca de 41.000 euros á Asociación de Veciños de Teis para financiar a segunda prórroga do convenio de colaboración para o uso e realización de actividades no Centro Cívico desa parroquia. O acordo foi aprobado pola Xunta de Goberno hoxe luns e o convenio a que se refire estará vixente do 1 de setembro de 2006 ao 31 de agosto de 2007.

Pintura viva e mutante no MARCO

luns, 2 out 2006

A sala de exposicións do primeiro andar do MARCO acolle ata o próximo 7 de xaneiro a exposición Pintura Mutante, na cal 16 artistas españois intentan demostrar, a través de diversas técnicas, a capacidade de transformación e adaptación da pintura e a súa contaminación con outras técnicas, procesos e medios artísticos.